Браќата Даријан и Мартин ги запросија девојките во исто време: Едниот на концерт на Петар Грашо, другиот на ручек во Охрид

Детали

четврток, 27 јуни 2024

„Заедно се консултиравме околу изборот на прстените. Имаме сличен вкус и си помогнавме еден на друг за успешно да одбереме прстени. Преубаво е чувството кога сето тоа го правиш за личноста која ја сакаш и ти значи“, велат браќата Даријан и Мартин од Скопје, кои за помалку од 24 часа ги запросија своите девојки.

Кога ќе ги видите браќата Даријан и Мартин Трајанови од Скопје, на прва ќе си помислите дека се близнаци, колку многу личат еден на друг.

Но, и покрај разликата од скоро 3 години, тие се премногу блиски и размислуваат исто, па така, решиле во исто време да купат прстени за своите девојки и да ги запросат во исто време, со помалку од 24 часа разлика еден од друг.

Мартин прв клекна на колено пред Славица, и тоа на концертот на Петар Грашо во Словенија, бидејќи таму живеат во моментов.

Даријан пак, следниот ден ја изненади Симона додека беа на романтичен ручек во Охрид.

За CRNOBELO.com, Даријан и Мартин велат:

„Заедно се консултиравме околу изборот на прстените. Имаме сличен вкус и си помогнавме еден на друг за успешно да одбереме прстени.

Преубаво е чувството кога сето тоа го правиш за личноста која ја сакаш и ти значи. Целиот план за избор на прстенот, земањето мерка, смислувањето на начинот на запросување се преубави моменти, кои посакуваме секој да ги доживее.

Двајцата со свршениците размислуваме и за свадбата и планот ни е тоа да биде веќе наредната година. Но ќе одиме чекор по чекор, внимателно ќе го осмислуваме секој детаљ и ќе уживаме во целиот процес на организација.

Свадбите ќе бидат блиску една до друга, но ќе има доволно време да се одмориме од едната и да собереме сила за наредната“.

Браќата ни ги раскажаа и своите љубовни приказни, но и интересни детали поврзани со самото запросување.

„Ние сме доста поврзани во секој поглед. Уште од мали работите гледавме да ги реализираме заедно, братски, дали е тоа некоја спортска организација, дружба, забава, облека.

Па така, и едно од најважните животни остварувања, со цел да ги изненадиме нашите сакани девојки, родителите и најблиските пријатели, сакавме да го реализираме заедно, во наш стил, братски. Секој на свој начин, а со заедничка идеја“, велат тие.

Продолжува на следната страница...