Синот на Миа Костова слави 12-ти роденден во камп во Грција: „Ме направи непобедлив борец“

Детали

петок, 28 јуни 2024

Со емотивно и забавно видео, кое е споредба од летниот одмор во 2014 и 2024, Миа Костова му го честита роденденот на синот Андрија, кој денес полни 12 години.

Андрија, синот на инфлуенсерката и поранешна водителка, Миа Костова, наполни 12 години.

Оваа година Андрија роденденот го слави во камп во Грција. Тоа е истиот камп во кој Миа оди со години и за кој вели дека ѝ е омиленото место за летување, но и местото каде што Андрија израснал.

Па откако деновиве споделуваше фото-споредби на Инстаграм од летувањето во кампот пред десетина години и денес, каде го фоткаше Андрија на истите места каде што седел и си играл, сега направи и роденденско видео во истиот стил.

Видеото кое е комбинација од снимки од 2014, кога Андрија имал 2 години, и денес, на неговиот 12-ти роденден, е снимено на истото место на плажа, а Андрија е завиткан во пешкир.

Па, двегодишниот Андрија, се тресе од студ но ѝ вели на Миа дека сака пак да влезе во вода и дека не сака да се врати дома во Скопје, туку да си живеат таму, на море.

Видеото завршува со снимка од 2024, на која Миа му го честита роденденот на синот.

„Љубов моја, пораснавме заедно. Направи од мене непобедлив борец. Фала ти што сум ти мајка и фала ти што си најдобриот син на светот.

Само срреќа и здравје ти сакам, друго можам сè за тебе. Среќен роденден Андрија“, стои во роденденската честитка на Инстаграм Стори.

Миа претходно објави и Стори на кое раскажа што правела неколку часа пред раѓањето на Андрија.

„Ова време пред 12 години ме примаат во болница. Бебето на ехо вика 4600... мама вика 80 кила... укакана како никогаш пред. Закажана прва во сала за утре кај мојот Слободан Дракулевски“, напиша таа.

Повеќе фотографии од Миа и Андрија:

А. Ј. | Црнобело