Ирина Камилоска во четврти месец од бременоста се искачи на врвот Меденица: „И Павле си легна на брашното“

Детали

среда, 24 јули 2024

Меденица, 2.163 метри. Само една недела откако објави дека е бремена, нашата планинарка Ирина Камилоска го искачи највисокиот врв на планината Бистра, а друштво ѝ правеше сопругот.

Нашата планинарка Ирина Камилоска пред само една недела објави дека е бремена со второто дете, а слично како и во првата бременост, покажа дека планира и овој пат да биде активна и да не се откажува од планинарењето и освојувањето врвови.

Таа на Инстаграм објави неколку фотографии и кратко видео, во кое покажа дека со сопругот Павле Камилоски во текот на изминатите денови го искачиле највисокиот врв на планината Бистра, Меденица.

„2.163 метри... Тука е и Павле, и тој си легна на брашното. Преубаво му е“ – вели Ирина во краткото видео што го објави на Инстаграм Стори, а од кое накратко се гледа преубавата глетка од врвот што повторно го освоила.

Во Инстаграм објавата, таа откри дека во моментов е во 17-та недела од бременоста, или во четврти месец, но очигледно тоа не ја спречува да води активен живот и да ги искачува планините.

Инаку, Ирина на 16-ти јули објави дека е бремена по вторпат и дека со Павле очекуваат принова во семејството.

Тие двајца во јуни мината година го добија синот Јосиф, а Ирина во ексклузивно интервју за CRNOBELO.com откри дека се породила мошне лесно во Државна болница.

Познато е дека таа имаше мошне активна бременост со првото дете, а ако може да се процени од нејзините последни објави, така ќе биде и овој пат.

Прочитајте и Ирина Дишовска за мајчинството: „Се породив лесно во Државна болница, го искачив Водно 2 дена претходно, не ми се појавија стрии“

Б. С. Б. | Црнобело