Наши и регионални познати личности што го кријат идентитетот на татковците на нивните деца

Детали

понеделник, 29 јули 2024

Причините се најразлични, некои сметаат дека тоа е дел од нивниот приватен живот, други пак, се обврзани да молчат. Кои наши и регионални ѕвезди го кријат идентитетот на татковците на нивните деца?

Голем број наши и регионални пејачки, ТВ водителки и актерки одлучиле да се остварат во улогата на мајки, но не сакаат јавно да зборуваат за татковците на нивните деца.

Според нив, тоа е интимна тема, за која не сакаат да зборуваат во јавноста и тоа е сосема нормално.

Секој од нас има право да задржи дел од сопствената приватност за себе, нели?

Кои наши и регионални познати личности не го откриваат идентитетот на нивните деца?

Сузана Спасовска

Нашата позната пејачка Сузана Спасовска само во една пригода рече дека нејзината ќерка Теона го нема видено татко ѝ од бебе.

Теона денес е во брак и во 2020-та година ја доби ќерката Клара, а Сузана ужива во улогата на баба.

Ирена Спировска

Нашата позната ТВ водителка Ирена Спировска, освен што не сака премногу да зборува за ќерка ѝ Зорица, таа никогаш не открила кој е нејзиниот татко.

Во една пригода рече дека ќерка ѝ Зорица е млада девојка која има право на свој живот, амбиции и соништа, кои таа смета дека нема потреба да ги експонира во јавноста.

Миа Костова

Познатата ТВ водителка и инфлуенсерка е мајка на синот Андрија, но иако во повеќе наврати зборувала за таткото на нејзиниот син и за нивниот однос, таа досега не го открила неговиот идентитет.

Марија Шерифовиќ

Меѓу попознатите регионални ѕвезди кои не зборуваат јавно за идентитетот на таткото на нивното дете е и Марија Шерифовиќ.

Таа во повеќе наврати нагласи дека со оглед на тоа што синот Марио го доби со помош на сурогат мајка, таа со договор е обврзана да не го открива идентитетот на неговиот татко.

Во една пригода таа само накратко откри дека таткото на Марио е „згоден фраер и Европеец“.

Сека Сабљиќ

Српската актерка Сека Сабљиќ со години е препознатливо лице на нашите и регионалните екрани. Познато е дека таа е мајка и има син, но повеќе од 48 години вешто го крие идентитетот на неговиот татко.

Б. С. Б. | Црнобело