Крушата под круша паѓа: Како изгледаат и што прават мајките на нашите познати дами?

Детали

сабота, 17 август 2024

Освен што ѝ е мајка, Теута ѝ е и менаџер и најголема поддршка на Аделина Тахири, Лина Пејовска е како другарка со нејзината мајка која работи во МОБ – како изгледаат мајките на нашите познати дами?

Некои од родителите на нашите познати личности немаат никаква поврзаност со естрадниот живот, а некои од нив ѝ се добро познати на јавноста.

Ако сте дете на познати родители, па уште и во иста професија, јавноста со сигурост ќе ве препознава по истото презиме.

Погледнете како изгледаат и со што се занимаваат мајките на нашите познати дами:

Миа и Оливера Костова

Некогашната водителка, денес една од најуспешните инфлуенсерки во Македонија, Миа Костова е ќерка на некогашната балерина Оливера Костова.

Оливера сега е во пензија, но сè уште држи часови на дечиња во приватно балетско училиште.

Таа обожава мотори и може да се пофали со извонредна линија и во седмата деценија од животот.

фото: принтскрин Инстаграм

фото: принтскрин Инстаграм

Тамара, Тијана и Брана Тодевска

Познатите пејачки Тамара Тодевска и Тијана Дапчевиќ, талентот за музика го имаат наследено од својата мајка, поранешната оперска певица Брана Тодевска.

Тие се блиски со својата мајка и често објавуваат фотографии на Инстаграм од нивните дружби.

фото: принтскрин Инстаграм

Мартија и Снежана Станојковиќ

Снежана ѝ е најголема поддршка на Мартија во сѐ што прави, а цело време беше покрај неа и додека се натпреваруваше на популарното музичко шоу во Србија, „Пинкови ѕвездички“.

Пејачката е доста активна и на социјалните мрежи, каде многупати има објавено фотографии од својата мајка со која се како најдобри другарки.

Викторија Лоба и Татјана Луговаја

Кога ќе ги видите една до друга ќе си помислите дека се сестри, а не мајка и ќерка.

Пејачката Викторија Лоба својата убавина ја наследила од својата мајка, Русинката Татјана Луговаја.

фото: Фејсбук

фото: Фејсбук

Моника и Светлана Црнокрак

Манекенката Моника Црнокрак е копија на својата мајка, некогашната манекенка и сопственичка на модното студио „Црнокрак“, Светлана.

Моника тргна по стапките на мама и тато и досега има освоено многу престижни награди во светот како манекенка.

фото: Фејсбук

фото: Фејсбук

Аделина и Теута Тахири

Крушата под круша паѓа, а доказ за тоа се пејачката Аделина и нејзината мајка Теута.

Кога ќе ја видите Теута веднаш ќе ви стане јасно од кого пејачката ја наследила убавината.

Теута ѝ е и менаџер и најголема поддршка на Аделина.

Лина и Тереза Пејовска

Младата пејачка Лина Пејовска премногу наликува на својата мајка Тереза, која е вработена во Македонската опера и балет.

Двете имаат многу близок однос и секаде одат заедно.

Калиопи и Марија Буклеска

Марија работела како наставник по ликовно, а поп-дивата во едно свое интервју истакна дека од неа ја има наследено искреноста и отвореноста, односно „Што на ум, тоа на друм“.

Пејачката го цени секој момент поминат со својата мајка, а понекогаш знае да сподели и нивни зеднички фотографии на социјалните мрежи.

С. Ш. | Црнобело