Зошто играчката „Златен Хари Потер“ ја продаваат по 700 евра – Вистина или уште една масовна интернет измама?

Детали

четврток, 15 август 2024

„Златен Хари Потер со код – цена 700 евра!“ - Вака отприлика гласат голем број огласи што деновиве се споделуваат на социјалните мрежи, а каде на љубителите и колекционерите им се нуди „уникатната“ фигура од Киндер јајце, која наводно, вреди многу. За што всушност станува збор?

Компанијата Ferrero USA, која е сопственик на брендот Kinder Joy чоколадите, годинава лансира нова серија играчки во соработка со франшизата Хари Потер.

Во омилениот десерт за голем број деца сега се вклучени 16 уникатни играчки.

Оваа колекција има два украси за моливи, две налепници, два бележника за книги и 10 мали играчки кои се преземени од хит филмовите Хари Потер.

Но, во последните неколку недели се крена вистинска прашина околу златната фигура на Хари Потер, која масовно се продава на социјалните мрежи, а некаде достигнува цена и од 200 до 700 евра. (Кај нас дури и има и такви што бараат 35.000 евра за неа).

Иако, не знаеме дали некој навистина ја продал фигурата по таа цена или се збогатил од неа, факт е дека ТикТок и Фејсбук се преплавени со објави на темата.

https://www.tiktok.com/@.panta.tv/video/7402617980330200325

На официјалната страница на компанијатa засега нема никакви информации за тоа колку оваа фигура е ретка, но јасно е дека инфлуенсерите на социјалните мрежи продолжуваат да ја шират приказната.

Не, оваа играчка не е изработена од вистинско злато или платина – пластична е како сите останати, но она што ја прави посебна е приказната што се шири за неа.

Наводно, вистинската златна фигура на Хари Потер е многу ретка, а може да се препознае само по единствениот код.

Според приказните што се шират на интернет, во светот има само 10 вистински златни фигури на Хари Потер, а сите други се копии.

Затоа масовно се објавуваат видеа, во кои се објаснува на кои работи треба да обрнете внимание за да бидете сигурни дека сте го добиле вистинскиот „Златен Хари Потер“.

Познатиот српски пејач и тиктокер Филари, на својот ТикТок профил објави видео во кое не можеше да ја скрие радоста затоа што го добил вистинскиот Хари Потер.

„Го погледнав првиот Хари Потер што го добив и тој на себе имаше некој код. Еве овде пишува VT401.

Потоа купив уште неколку Киндер јајца, чисто за да ја пополнам целата колекција, па потоа добив уште еден златен Хари Потер кој е поинаков од овој првиот.

Мала е разликата, но може да се забележи дека првиот е некако малку позлатен, а вториот нема никаков код одзади“ – појаснува Филари.

@filarri

Replying to @Samira ig: filarrimusic #filarri #harrypotter #harrypotterkinderjoy #zlatniharrypotter #goldenharrypotter #kinderharrypotter

♬ Quirky Suspenseful Indie-Comedy(1115050) - Kenji Ueda

На секоја објава за Златниот Хари Потер има голем број коментари од следбеници кои тврдат дека и тие ја добиле истата фигура со истиот код, па оттука се поставува прашањето дали можеби станува збор за уште една интернет измама.

Како и да е, и во Македонија има голем број објави на темата, па на некои Фејсбук страници за колекционери, се поставени голем број огласи за продажба на „Златен Хари Потер“ со код...

Би дале ли 700 евра за играчка, за која никој не е сигурен дека навистина е ретка?

Б. С. Б. | Црнобело