Тамара Тодевска, Сара Мејс – Познати Македонци чии деца се првачиња овој септември ‘24

Детали

понеделник, 02 септември 2024

„Среќно деца мои“ – напиша Тамара, која заедно со Лука и нејзините родители, ги испрати на првиот школски ден Дарен, кој е прваче и Хана, која почнува 3-то одделение. Кои познати Македонци денес имаат првачиња?

Оваа школска година започнува на 2 септември, а познатите Македонци кои имаат првачиња, се можеби и повозбудени како родители отколку децата.

Неколку од нив споделија фотки од своите деца кои денес ја почнуваат својата училишна приказна и им посакаа среќа.

Погледнете кои од нив објавија фотки од своите првачиња (и поголеми ученици):

Тамара Тодевска

„Среќно деца мои“ – напиша пејачката на Инстаграм до фотките од првиот школски ден на Дарен, кој е прваче и Хана, која започнува трето одделение.

Сара Мејс и Димитар Атанасовски

„Среќен почеток љубовке моја“ – ѝ посака Сара Мејс на ќеркичката Илина, која е прваче и позира во бело фустанче со ранче и балон, пред табла.

Борко и Нина Ристовски

„Душан е ПРВАЧЕ. Гордост моја најмила. Да си среќен, да си ми жив, здрав и умен, сега заедно ќе растеме низ твоите училишни денови. Лавче мое мало!“ – стои во описот на објавата на сопругата на Борко, која го испраќа синот во училиште, а тој дома позира со торта и со сестричката.

Анастазија Бранчела

„Со среќа бебушка“ – напиша таа до фотките со сопругот и двете деца пред училиште и сподели дека ќеркичката е прваче.

Доктор Александар Митов

„Нашата убавица е прваче! Радости!“ - напиша д-р Митов на семејната фотка со неговата ќеркичка. 

M. M. | Црнобело