Љупка Митрова: „Моментот кога решив да ставам крај на бракот е моментот кога решив да почнам да се сакам себеси“

Детали

петок, 25 октомври 2024

„Моментот кога решив да ставам крај со партнерот со кој сум поминала 15 години и имам две прекрасни ќерки, сум станала свесна дека сакам да почнам да се сакам себеси и да си бидам приоритет на самата себе...“, вели искрено Љупка Митрова, наша инфлуенсерка од Струмица.

Љупка Митрова од Струмица, со нејзиниот бизнис партнер Горан Митров гостуваше во поткастот „Биди Свој“, каде отворено проговори за својот развод, но и за тоа како во текот на животот учиме да се сакаме себеси.

Љупка е инфлуенсерка со повеќе од 77.000 следбеници на Инстаграм, со кои редовно споделува детали од нејзиното секојдневие, од модни комбинации до патувања.

Сега, во овој поткаст, таа си ја отвори душата.

Љупка на тема разводот и како во животот треба да научиме да се сакаме себеси:

„Моментот кога решив да ставам крај на мојот брак, нели јас сум разведена жена како што знае струмичката јавност, и моментот кога решив да ставам крај со партнерот со кој сум поминала 15 години и имам две прекрасни ќерки, сум станала свесна дека сакам да почнам да се сакам себеси и да си бидам приоритет на самата себе и некој партнер, за среќа ете партнерот со кој што сум сега, ме сака таква каква што сум и ми дава само потпора и ми е поддршка...

Тогаш (во такви мигови) почнуваме да растеме и ете стигнуваш до нешто што за тебе во тој период и за тоа време не било возможно и реално во твојата глава“.

Љупка и нејзиниот партнер

Потоа, таа додава:

„Кога ќе почнеш да веруваш дека ти си убав со сите свои недостатоци, тогаш си вистински убав.

Ние не се сакаме себе од раѓање, ние се учиме да се сакаме себеси.

Од моментот кога ќе решиме дека ние сакаме да почнеме да се сакаме, да се гушкаме, да се гледаме вистински во огледало, да си зборуваме самите со себе, тогаш почнуваме всушност да растеме позитивно, да градиме самодоверба“.

Љупка и нејзиниот брат Горан Митров

Целото гостување на Љупка Митрова и нејзиниот брат Горан Митров:

Прочитајте и Горан Митров, струмичанец со префинет моден стил: „Пасија ми се чевлите, а оделата ми се заштитен знак“

С. С. | Црнобело