„Кога се роди ќерка ми, работев 12 часа и не бев изморен за неа“ – Сашко Коцев искрено за татковството

На оваа тема се изјаснија и останатите, кои тврдат дека татковците не се тука за да помагаат, туку за и тие да бидат родител.

„Кога сакаш ништо не е тешко, не зошто така мора туку така треба“ – рече Тарик.

Сашко отворено зборуваше за договорите и разбирањето кое го имаат со сопругата која е лекар, за тоа дека се свесни меѓусебно за работните ангажмани, па во периоди на дежурства или снимања, без проблем другиот ги презема семејните обврски. 

Но, признава и дека со текот на годините, како што созрева како родител и станува помудар, самиот сфаќа дека семејството е приоритет и пробува да се посвети повеќе дома и на времето поминато со детето, откако во короната ги увидел убавите страни на немањето премногу работни проекти.

Поттикнати од прашањето на Жаре, да пробаат да опишат со зборови каде лежи специјалноста во врската помеѓу татко и ќерка, Сашко и Петар признаа дека се во „заробеништво“ на ќерките.

„Таа точно знае ти колку си заљубен во нејзе и она може да ти прави што сака. Јас ќе ја скарам малку, а таа само ќе се сврти, ќе ме погледне и ќе дојде да ме гушне. Таа е таа конекција“, открива Сашко, а Петар се надоврза:

„Може да те извади од такт, да полудиш, и само ќе те погледне блажено, како ти нешто да си се збунил што така се однесуваш и те разоружува, па тука се врти цела приказна наопаку“.

За крај, иако Сашко на шега кажа дека наводно претходно се договориле дека ќе зборуваат дека татковците се најдобри, сепак сите се покорија пред улогата на мајките и признаваат дека тие се клучни и дека мама е една, а Тарик се пошегува:

„Па сте слушнале ли некое дете да падне и да каже: леле татооо...“

„Мајката ја создава сликата за таткото, таа треба да каже остави го малку тато, изморен е од работа“ – се пошегува Сашко, па продолжи:

„Сериозно, оној момент кога мајката кажува - тато, тато ќе го направи тоа, тато знае, тато може, тато ќе нè однесе таму, тато ќе нè вози и така се создава слика дека тато може сè, за детето да има стабилност, стабилна фигура и емотивна и физички. Секако дека мајката игра важна улога“.

Целата конференција може да ја погледнете на видеото ТУКА. 

М. М. | Црнобело / фото: Фејсбук - Сашко Коцев