Вирален статус на Македонец: „Мојата сопруга би ја прогласил за ‘Маж на годината’“

Детали

вторник, 19 ноември 2024

„Колку и да ги совладуваме обврските поделено, сè некако ми се чини дека жена ми полесно излегува на крај со сè...“, започнува моќниот статус на Столе Ѓорѓиевски, татко на близнаци.

Столе Ѓорѓиевски, сопруг и татко од Скопје, е еден од оние луѓе кои отворено зборуваат за сите теми на социјалните мрежи, па така е и кога станува збор за семејниот живот.

Тој вели дека улогата татко на близнаци е најубавата улога која некогаш ја добил во животот, но и најтешката и дека сопругата Тамара е вистинска кралица кога станува збор за грижата околу нив, но и комплетно за одржување на семејниот ред во домот.

Неговата објава за неа стана вирален хит на Фејсбук:

„Гледам пак има гласање, еуфорија прават за кој ќе биде маж на годината...

Во сите категории жена ми треба да биде победник.

Оваа и секоја година наградата треба да ја зема мојата Тамара – или секоја жена-мајка што живее и работи со цело срце и душа.

Кога децата ќе се разболат, таа е таа што ноќе не спие, мери температура, прави облоги, смирува плач, а наутро пак оди на работа, како ништо да не било.

Таа е прва што станува и последна што легнува – секогаш тука да ги нахрани сите, да подготви сè, а пак да остави време и за себе да се спреми за денот.

Домот не е само чист, туку и полн со топлина и ред, благодарение на неа. Таа знае каде е секоја изгубена чорапа, секоја сметка и секој клуч.

Таа е домашен лекар, психолог, учител и пријател – секогаш тука за децата, но и за мене, со најголемата поддршка кога е најтешко.

На работа не оди само за плата – таа таму вложува труд и енергија како да го гради своето. Никогаш не се жали, дури ни кога е преморена.

Таа планира родендени, ги помни сите датуми, организира оброци, подароци, средби, сè што некој би заборавил.

Готви, пере, пегла, чисти, но тоа никогаш не е само рутина – сè е со љубов, за сите да сме среќни.

Во недела попладне, кога сите одмараат, таа сè уште прави простор за детските игри, за разговорите што ги зближуваат и за моментите што се паметат.

И дури тогаш, кога нема сила повеќе, ќе најде начин да ме насмее, да ме потсети колку сме среќни што ја имаме.

Продолжува на следната страница...