Ја отпеа „Македонско девојче“, аутфит со впечатливо деколте - Тамара маестрална на концертот на Пријовиќ во Скопје

Детали

понеделник, 25 ноември 2024

Тамара уште еднаш покажа дека е еден од нашите најдобри вокали кога маестрално ја отпеа „Македонско девојче“ на концертот на Александра Пријовиќ во Скопје, која пак, приреди спектакуларно шоу за фановите, а српската ѕвезда ја изведе и „Игри без граници“ од Тоше Проески. 

На 22 ноември 2024, Александра Пријовиќ направи спектакуларен концерт во Скопје, а фановите на нејзината музика ја наполнија Арената „Јане Сандански“ до последно место.

Пејачката, која во изминативе години „растура“ со полнење сали и брзо распродавање на концерти, имаше енергичен настап пропратен со извонредни специјални ефекти и сценски настап кои ја воодушевија публиката. 

Кликнете на видеото:

Освен своите понови и постари хитови, но и неколку екс-ју евергрини, Пријовиќ ја отпеа и српската верзија на песната на Тоше Проески, „Игри без граници“.

@nastupi_poznatih00

Aleksandra Prijovic Skopje ❤️ #aleksandraprijovic #aleksandraprijovic🎶 #prijovicka #prijovic #devetzivota #skopje #skopje🇲🇰 #skoplje #macedonia #macedonia🇲🇰 #beauty #BeautyTok #birthday #birthdaygirl #birthdaycake #birthdayboy #manifest #birthday #birthdaygirl #splav #novisad #novisadmojgrad #splavcristal #hamburg #gypsy #frankfurt #frankfurtammain #frankfurt🇸🇴🇩🇪 #germany #germany🇩🇪 #germanytiktok #germanysnexttopmodel #deutschland #balkan #balkantiktok #balkanmusic #balkanci #dijaspora #fyp #fy #fypシ゚viral #tiktok #balkantiktok #uzivo #uzivoteka #live #koncerty #koncert #nastupi_poznatih00

♬ original sound - nastupi_poznatih

За шоуто во Скопје, таа се појави во проѕирно-златна тоалета со светки, а потоа го промени аутфитот и облече краток комбинезон искомбиниран со високи чизми над колена и кожена јакна.

Изненадување на концертот беше нејзината специјална гостинка, Тамара Тодевска, која отпеа неколку свои песни, а маестрално ја изведе и „Македонско девојче“ во придружба на Александра.

Кликнете на видеото:

Тамара уште еднаш покажа дека е еден од нашите најдобри вокали, а на сцената блесна во беж, сатенски костим, со впечатливо деколте, искомбинирано со сандали и коса фатена во пунџа.

фото: Инстаграм - @asavulov

На својот Инстаграм профил нашата пејачка ги сподели своите импресии од концертот и напиша:

„Благодарам за почитта и поканата, моја драга Александра Пријовиќ. Преубаво искуство и вечер исполнета со многу љубов“.

Тамара објави неколку фотографии од себе вечерта, но и заедно со Пријовиќ, како и со својот партнер Лука Радовиќ, кој е нејзина најголема поддршка.

фото: Инстаграм - @asavulov

фото: Инстаграм - @asavulov

фото: Инстаграм - @asavulov

ТУКА погледнете го видеото кое Александра го објави од концертот во Скопје, на кое напиша: „Скопје, каква ноќ! Благодарам!“.

М. М. | Црнобело