Битолчанецот Константин ја запроси Ирена на 125-тиот кат од Бурџ Халифа во Дубаи (фото)

Детали

вторник, 03 декември 2024

„Патувањето во Дубаи ни беше планирано за почетокот на декември, за да го прославиме роденденот на Константин на 1-ви декември токму таму“, вели Ирена Мицевска од Битола за CRNOBELO.com и открива детали за запросувањето.

Ирена Мицевска од Битола е дипломиран моден дизајнер и иден магистер по економски науки, а Константин Палигора магистер по оперативен менаџмент.

Парот кој периодов е на одмор во Дубаи, за CRNOBELO.com вели: „Едно е сигурно - дека не планираме да ја бараме среќата во странство. Остануваме во нашата Македонија“.

Битолчанецот Константин ја запроси Ирена Мицевска на 125-тиот кат од Бурџ Халифа, по 4 години љубовна врска.

Ирена за CRNOBELO.com открива детали за запросувањето:

„Патувањето во Дубаи ни беше планирано уште од летото кога бевме во Грција.

Бидејќи во лето е многу жешко во Дубаи, се одлучивме да одиме на почетокот на декември, односно да го прославиме роденденот на Константин на 1-ви декември токму во Дубаи. И така се случи.

Во Дубаи сме од 25 ноември и уживаме во сјајот на оваа извонредна туристичка атракција на 33 степени Целзиусови.

На 1-ви декември отидовме на престижната Бурџ Халифа. Се качивме на 125-тиот кат од каде имавме извонредна глетка. Дубаи ни беше како на дланка.

Константин ме стегна силно за рака и ми ги посочуваше врвовите на другите кули наоколу, врвови кои како да допираа до небото и асоцираа на престиж, на успех.

Продолжува на следната страница...