Софија Јанева, наша инфлуенсерка: „Слушав искуства дека бременоста е нешто страшно, но јас имам поинакво искуство“

Во ноември Софија напиша:

„Мојата најголема авантура во животот е бременоста - непредвидливите желби за храна, бесконечните промени во расположението и потребата за редовно „вежбање“, односно шетање до фрижидерот, се само дел од мојата нова реалност.

Но, за максимално да уживам во овој период, имам неколку активности што ми помагаат:

Прошетки во градскиот парк - редовните прошетки ми овозможуваат да се опуштам, да останам активна за време на бременоста, а воедно и да уживам.

Пазарење за бебето - купување на облека, играчки и неопходни работи за бебето ми носи посебно задоволство.

Читање книги - читањето книги за родителство ми дава корисни информации и ми помага да се подготвам за она што следи. Исто така, понекогаш уживам да читам фантазија или романса, што ми помага да се опуштам.

Курсеви за трудници - ми помагаат да се подготвам психички и физички за породувањето, а и за сè што следи после тоа.

Цел втор триместар се чувствував преубаво и затоа времето ми помина пребрзо. Откако влегов во трет, малку потешко ми е да спијам навечер, да се наведнувам и да сум активна подолго време.

Тоа е нормално, но затоа сакам да потенцирам колку е важно да се чувствувате удобно во третиот триместар - тоа се рефлектира и на изборот на облека. Најмалку важно ми е да ги следам модните трендови во овој момент“.

С. С. | Црнобело