Софија Јанева, наша инфлуенсерка: „Слушав искуства дека бременоста е нешто страшно, но јас имам поинакво искуство“

Детали

вторник, 14 јануари 2025

„Слушав многу искуства и генерално беа дека бременоста е нешто страшно – гадење, компликации, болки и многу лоши моменти, но моето искуство е сосема поинакво. И да, последниот месец е најтежок, но ќе издржиме женски“, вели Софија Јанева.

 фото (средина): Loveclick.mk

Софија Јанева, наша лајфстајл инфлуенсерка, го очекува своето прво дете со сопругот Виктор.

Таа ужива во бременоста и постојано споделува детали за овој период од животот на својот Инстаграм профил.

Сега, таа е во 9-тиот месец од бременоста и вели дека бременоста е најубавата и најголемата авантура која ја доживеала во животот.

За бременоста таа вели:

„Како да го објаснам ова чувство?! Да го чуваш цел свет во својот стомак?

Како што се приближувам кон крајот на бременоста, сакам да ја споделам мојата приказна со сите вас - оние кои планираат да станат мајки или оние кои веќе се на овој пат.

Во текот на бременоста слушав многу совети и искуства и генерално беа дека бременоста е нешто страшно – гадење, компликации, болки и многу лоши моменти. Но, моето искуство беше сосема поинакво.

Искрено, јас уживам во мојата бременост! И да, последниот месец е најтежок, но ќе издржиме женски.

Мој совет – НЕ се оптоварувајте со туѓите искуства и зборови. Секоја жена е различна и секое тело реагира различно на бременоста. Јас сум многу среќна што мојата бременост е лесна.

Затоа, не дозволувајте стравот на другите да ве обесхрабри, бидејќи вашето патување ќе биде уникатно и прекрасно на свој начин! Јас сум тука за сите вас, да споделам што научив и да ве охрабрам да не се плашите од патувањето што ве чека“.

Продолжува на следната страница...