Ивона Јо закрепнува по операцијата во Турција: „Отстранети се 11kg кожа и масти“

Детали

четврток, 06 февруари 2025

„Секој втор ден одам на истиснување на лимфата од телото која кај мене сега ja има во големи количини, а секојдневно имам премачкување на телото, отворање на корсетот...“, вели Ивона Јо за CRNOBELO.com, откако пред 2 недели направи операција за отстранување на вишокот кожа на абдоменот.

Пејачката Ивона Јо, која на крајот на јануари 2025 направи операција за отстранување на вишокот кожа во болница во Турција, одлично закрепнува.

Иако на моменти ѝ е тешко, и сè уште ги чувствува болките од операцијата, таа сè полесно се движи, а и сама станува од кревет, што е голем напредок во процесот на рехабилитација.

Пејачката за CRNOBELO.com вели дека ја чека долг пат, но дека досега намалила 11kg, а од нив 6kg се вишокот кожа што ѝ беше отстранета.

И покрај тоа, Ивона е задоволна и благодарна за сите позитивни промени што ѝ се случуваат периодов.

За тоа како се чувствува првите недели по операцијата и како тече закрепнувањето, Ивона вели:

„Изминаа 16 дена од операцијата која ја направи доктор Емрах Аслан.

Благодарна сум што за толку кратко време имам навистина големи резултати, веќе можам да се движам сама полека, можам да станувам од кревет, а тоа беше навистина голем предизвик претходниве две недели.

Операцијата ја направивме на 22 јануари, значи поминати се малку повеќе од две недели, а јас се чувствувам како да е поминат месец и пол.

Опорувањето оди брзо, телото ме слуша, го негувам, внесувам многу протеини, минерали, витамини, односно сите препораки од докторот ги слушам и многу сум дисциплинирана што се однесува до правилата и прописите кога се работи за здравје, така што сè е под контрола.

Многу сум благодарна на сите луѓе што ми даваат неизмерна поддршка овој изминат период.

Најголема поддршка ми се моите најблиски дома кои се секој втор ден во Скопје, Тамара којашто 24 часа е до мене и ми е и десна и лева рака.

Продолжува на следната страница...