Maкедонец, виртуоз на виолина, свири песна од ДНК и трогнува (видео)

Детали

среда, 26 март 2025

„До сите кои сè уште се борат за живот, мислам на вас и ви посакувам сила додека се борите“, вели Петар Маркоски и трогнува со изведбата на песната „Што сака нека биде“ од ДНК.

Петар Маркоски е дечко од Охрид, вљубеник во музиката, кој со себе секогаш и секаде ја носи својата виолина.

Снима забавни видеа на разни локации додека свири познати музички дела и неговите видеа се хит на Инстаграм.

Тој е избран и за најдобар интернационален музичар во 2023-та, на Murex D’or, меѓународна церемонија за доделување награди, која се одржува во Либан.

Сега, тој ја отсвири песната „Што сака нека биде“ од ДНК на својата виолина и трогна со изведбата.

Петар на Инстаграм во описот на видеото напиша:

„Длабоко сум натажен поради трагичната загуба на 59 животи во пожарот во ноќниот клуб во Кочани, Македонија.

Моето искрено сочувство до семејствата и најблиските. Не можам ни да замислам низ каква болка поминувате, и моите мисли се со вас во ова неверојатно тешко време.

До сите кои сè уште се борат за живот, мислам на вас и ви посакувам сила додека се борите. Се надевам дека брзо ќе оздравите, и знајте дека не сте сами.

Ви испраќам сета моја љубов и поддршка“.

Кликнете на видеото:

Песната на ДНК:

Прочитајте и На гондола во Венеција, во шума: Запознајте го македонскиот Хаусер - дечко од Охрид свири на виолина на разни локации

С. С. | Црнобело