Миа Костова: „Не мислите дека Јован или кој било е прерано да дава интервјуа како му гореле другарите?“

Детали

недела, 30 март 2025

„Не мислите дека е прерано за Јован или кој било да дава интервјуа и да прераскажува како живи му гореле другарите, да споделува детали, а видеото да е достапно и за родителите на деца кои се баш оние кои викале и денес не им се дома...“, пишува Миа Костова.

По трагедијата во Кочани на социјалните мрежи осамнаа неколку видеа на кои момци што помагале таа траорна ноќ раскажуваат какво тешко и болно искуство било тоа.

Сега, Миа Костова се огласи на својот Инстаграм профил и прокоментира против оваа практика.

Објавата на Миа гласи:

„Не мислите дека е прерано за Јован или кој било да дава интервјуа и да прераскажува како живи му гореле другарите, да споделува детали, а видеото да е достапно и за родителите на деца кои се баш оние кои викале и денес не им се дома.

Извинете, ама нормални не сте.

Оставете го момчето да си дојде на себе, едвај зборува и пелтечи од што самиот не е излезен од шокот и од тоа што го снашло.

Што се постигнува со видеото? Повеќе донации?

Дајте луѓе ако сте хуманитарци, бидете барем хумани и за хероите“.

С. С. | Црнобело