Убавицата Чарна Невзати за CRNOBELO: „Моето име на арапски значи ‘пурпурна зеница во окото’“

Детали

петок, 09 мај 2025

„Освен Чарна, носам и второ име, Ал Нур, што на арапски значи „пурпурна зеница на окото“. Тоа име го добив по желба на баба ми и носи посебна емоционална тежина за мене“ - вели за CRNOBELO.com 20-годишната девојка, која е македонски претставник на изборот Мис на светот 2025.

Убавата Македонка која нè претставува на изборот за Мис на светот, а кој во моментов се одржува во Индија, има уникатно и необично име - Чарна.

Ја прашавме за значењето на нејзиното име, а таа за CRNOBELO.com, откри дека има две имиња - нејзиното полно име е Чарна Ал Нур Невзати.

„Името Чарна и има старословенско потекло со српски корени, а значењето му е „чаробно“, „чаролија“ односно „волшебно“ или „магија“.

Од самиот почеток, мајка ми знаела дека тоа ќе биде моето име, никогаш немала сомнеж дали треба да се викам поинаку.

Исто така, носам и второ име, Ал Нур, што на арапски значи „пурпурна зеница на окото“.

Тоа име го добив по желба на баба ми и носи посебна емоционална тежина за мене.

И двете имиња ги чувствувам длабоко лични и поврзани со мојот идентитет, па не, не можам да се замислам себеси да имам друго име“ - ни кажа таа.

Чарна е студент на Правниот факултет во Скопје, при УКИМ, но и модел во агенцијата Max Models.

Прочитајте и Убави Македонки - Чарна Невзати ќе нè претставува на Мис на светот: „Убавината е моќна предност, но доаѓа и со стереотипи“

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело