Бетика од Ресен: „Од 9 години научив да возам трактор, семејно береме сливи, дрвцата ни се како деца“

Детали

сабота, 06 септември 2025

„Возам трактор од мојата 9-та година и благодарение на мојата фамилија со години произведуваме наша храна“, вели за CRNOBELO.com Бети Котовчевска од Ресен, позната како ледената Македонка Бетика.

Бети Котовчевска од Ресен, позната како ледената Македонка Бетика со семејството има садници со сливи и јаболка и вели дека ужива во тоа што сами си произведуваат храна.

Од најмали години таа е во природа и го обожава процесот на одгледување на храна за себе.

За CRNOBELO.com вели:

„Јас сум овоштар од малечка, а семејно покрај сливите, имаме многу садници и со јаболка.

Возам трактор од мојата 9-та година и благодарение на мојата фамилија со години произведуваме наша храна.

Тие ме научиле на вистинските вредности, а тоа е почитта кон дрвјата и нивните плодови.

Нашите дрвца ги гледаме како деца.

Најголемата убавина е тоа што добиваш храна од сопствените раце.

Знаеш што јадеш и плус уживаме при бербите затоа што цел ден сме во контакт со природа.

И кога си во природа ништо не е тешко!“

С. С. | Црнобело