Цаци Паковска емотивна за роденденот на синот (14): „Додека трепнав, од бебе во моите раце, се претвори во извонредно момче“

Детали

четврток, 25 септември 2025

„14 години. Трепнав, и бебето во моите раце е заменето со овој извонреден млад човек, со свои ставови, свои соништа и своја брилијантна патека. Ти си ми најголемата љубов и животна авантура“ – стои во емотивната објава на Цаци Паковска, со фотки од нејзиниот син низ годините.

Цаци Паковска во минатото се прослави како моден стилист и моден дизајнер, а сега како извршен продуцент што стои зад едни од најголемите и успешните проекти за млади, „Дајте музика“ и „Тин камп“.

Таа на својот Инстаграм профил редовно споделува за успесите кои ги достигнуваа со тинејџерската серија која ги освои младите, а не пропушта шанса да ги пофали актерите кои ги гледа како свои деца и на кои е посебно горда.

Но, покрај нив, таа во животот го има своето најголемо богатство, родениот син Војдан, кој сега наполни 14 години.

По тој повод, таа објави видео составено од повеќе фотки низ годините, а во описот напиша емотивна порака.

„14 години. Многу одамна, а сепак чувствувам како времето да помина додека да земам здив.

Трепнав, и бебето во моите раце е заменето со овој извонреден млад човек, со свои ставови, свои соништа и своја брилијантна патека.

Ти си ми најголемата љубов и животна авантура. Среќен роденден сине мој!“.

Кликнете на видеото за да го погледнете:

M. M. | Црнобело