Исповед на Јелена Спенџарска: „Си купив стан со свои пари, ми се случија преубави работи, а не знам да се радувам - кој е проблемот?“

Морам да ви признаам дека ми беше „Аха, момент“.

Колку и во иднина да постигнувам во животот, да правам, да шетам, да заработувам, сè додека се гледам себеси преку леќите на јас сум работник, а не сопственик или постојано морам да се докажувам колку сум добра или секогаш има некој друг, таму на некоја позиција што ќе ме контролира, ќе ме казни или ќе ме суди ако не направам тоа што ми е побарано... Ќе грешам.

Многу е нормално дека нема да можам да се опуштам и да уживам во сопствените достигнувања, коишто не се чиста среќа или случајност. Не, тие се 100% јас, тоа е мојата работа, мојата енергија, креативноста којашто јас ја поседувам.

Јас сум, јас сум таа што прави да се случат сите овие преубави работи во мојот живот на коишто сега не гледам само како на обични настани, туку баш како на докази.

И ако и ти се пронајде во мојата приказна, со сигурност знам само едно, имаш несигурности во својот капацитет и не знаеш во што си доволно добар или, пак, ако знаеш, тогаш си мислиш дека секој втор го знае истото и го може истото и дека ти баш и не си ништо посебно...

Ќе ти кажам само едно, не мораш баш во една реченица да го напишеш твојот талент.

Само сврти се назад во својот живот и види ги сите убави работи, коишто ти се случиле, и големи и мали, тоа си ти. Ти го направи ова, тоа е твојата моќ.

Многу, значи многу од другите луѓе ги посакуваат истите тие работи за себе, верувај ми.

Работата е што ти не го гледаш тоа така. Ти треба да ја промениш својата перспектива, а тоа се менува со таа толку многу клише работа на себе за којашто знам дека никој не сака да слушне, а е клучна за подобрување на сопствениот живот.

Мене многу ми има помогнато, посебно за овој проблем, па затоа ќе продолжам да снимам вакви реални приказни“.

С. С. | Црнобело