„Не беше ова место за тебе, срце планина, неизмерно ќе ми фалиш“ – Тамара и Каролина емотивно се збогуваат од Панчо

Детали

вторник, 14 октомври 2025

„Не беше овој свет за тебе, не е ова место за луѓе со премногу љубов, добрина и талент“ – стои во дел од пораката на Тамара, а Каролина напиша: „Пане мој, другар и брат, срце планина, неизмерно ќе ми фалиш“.

Денес македонската јавност е потресена од веста за Владимир Блажев Панчо, кој не успеа да победи во животната битка и почина утрово. 

По речиси 7 месеци поминати во болница, тој им подлегна на повредите и изгорениците од кобната трагедија која се случи во дискотеката Пулс.

На социјалните мрежи, неговите пријатели, колеги и познаници се збогуваат од него, споделуваат заеднички спомени и моменти и му оддават чест на големиот музичар и хуманитарец.

Неговите долгогодишни пријателки и колешки, Каролина Гочева и Тамара Тодевска, објавија заеднички фотографии со него и му упатија последен поздрав.

„Пане мој, другар и брат, срце планина, неизмерно ќе ми фалиш и секогаш ќе те сакам…“ - напиша Каролина.

„Не беше овој свет за тебе, не е ова место за луѓе со премногу љубов, добрина и талент. Ти од сѐ ова имаше во неизмерни количини и сакам да верувам дека одиш на подобро место.

Многу дружби, спомени, концерти, снимања...

Многу смеење, музика и емоции...

Горда сум што имав брат како тебе, другар за цел живот, колега кој знаеше да ме критикува, пофали советува...

Патувај мирно Џуџе.

Секогаш ќе те сакам“ - стои во пораката на Тамара. 

Прочитајте и „Мислев дека нема да се дадеш, се измори, сега пејте заедно“ - Пријателите и колегите се простуваат од Панчо

М. М. | Црнобело