Александар Михајловски: „Моите родители се разведоа кога имав две години, пораснат сум во стан со мајка ми, баба ми и дедо ми“

Детали

среда, 22 октомври 2025

„Мајка ми многу се има жртвувано за мене. Пораснат сум со неа и со баба ми и дедо ми во двособен стан, којшто подоцна стана и трособен, затоа што кујната ја направивме детска соба, а во дневната се направи кујна. Дете на разведени родители - сум го доживувал ова трауматично како дете да бидам искрен“, искрено вели актерот Александар Михајловски, син на Тони Михајловски.

Актерот Александар Михајловски, кој го наследи неверојатниот талент за глума од својот татко Тони Михајловски, гостуваше во подкастот на Стефан Лазаров и искрено прозборува за борбата со зависностите.

Александар вели дека одлучил ова да го сподели јавно за да испрати порака до младите да сфатат дека тоа е погрешно.

Но, тој зборуваше и за неговата мајка и за разводот на неговите родители кој се случил кога тој имал само 2 години.

Стефан Лазаров вели: „Искрено сакам да зборувам е за твојата мајка… Знаеме и дека Тони сега има друга жена и дека имаш полубрат“, на што Александар го коригираше и вели:

„Брат, тој ми е брат, не постои полубрат, тоа е глупост. Мoже тоа да е некаков назив во општеството, но тоа дете мене ми е брат.

Јас сум пораснат сам и кога го добивме Максим во нашата фамилија како да ти кажам, веднаш тука кај срцето го истетовирав. Името негово на срце“.

На тема мајка му и разводот на неговите родители:

„Па, син на мајка, бе брат, се пошегува Александар за начинот на кој е потпишан на Инстаграм.

Мојата мајка е, како за секое дете неговата мајка, најпрекрасната жена што може да постои на планетата земја, во поглед на тоа каков човек е. Таа се има жртвувано за мене многу.

Пораснат сум со неа. Да, мојот татко бил секогаш тука со мене, бил во сите ситуации од животот, но со оглед на тоа што моите се развеле кога јас сум имал 2 години, затоа јас сум син на мајка.

Ќе кажат: „Ех, ти си мамина маза“… Сите ние сме и многу е убаво кога човек ќе ја почувствува љубовта од една жена на начин на којшто јас сум ја почувствувал, и пожртвуваноста, се разбира.

Продолжува на следната страница...