Виктор Апостоловски ќе стане татко: „За некој ден Милена влегува во 9-ти месец, уште немаме име“

Детали

петок, 24 октомври 2025

„Милена си оди на работа, си функционира одлично, е сега млаце побавно се движи, ама не е страшно. За неколку дена влегуваме во 9-ти месец, така што возбудата веќе почнува да расте“, вели Виктор Апостоловски за CRNOBELO.com.

Пејачот Виктор Апостоловски и неговата сопруга, наскоро ќе станат родители - тие го очекуваат своето прво дете.

Милена е веќе во поодмината бременост, а меколку недели пред раѓањето на бебето, тие направија фотосесија на која се гледа и трудничкото стомаче на Милена.

Таа, блеска во бременоста, а Виктор, пак ни откри дека наскоро ќе влезе во деветтиот месец.

„Фала богу, бременоста минува ептен лесно, без стресови, напнатости и без проблеми!

Милена си оди на работа, си функционира одлично, е сега млаце побавно се движи, ама не е страшно!

За неколку дена влегуваме во 9ти месец, така што возбудата веќе почнува да расте! 

И на прашањето кое сите се изгорени да го знат, не, уште не сме смислиле име!

Ама здравје боже и тоа ќе биде! И сигурен сум дека ќе биде звучно“, вели Виктор за CRNOBELO.com.

Виктор и Милена се во брак од 2023, а нивната љубовна приказна почна кога се запознаа во маркет во Битола, од каде што се двајцата.

За потсетување, публиката го запозна Виктор преку шоуто „Македонски идол“, а еден од неговите најголеми успеси во кариерата е песната „Супермен“, со која се натпреваруваше на домашниот избор за Евровизија.

Повеќе фотографии:

Прочитајте и Љубовната приказна на Виктор Апостоловски и Милена: „Се запознавме во маркет, ми била фан како дете и имала мој постер“