Охрид блеска во црвено - магично новогодишно украсување низ градот (видео)

Детали

четврток, 11 декември 2025

Сега и Охрид може да се најде на листата на најубаво украсени градови во Македонија, заедно со Крива Паланка и Штип. Центарот на градот блеска со црвени светилки, голема елка и срце на кое пишува Охрид. 

Новогодишната атмосфера пристигна и во Охрид, а градот е целосно украсен во црвената и жолта боја, симболично за празниците. 

Дрвцата и грмушките се замотани во светилки, големата елка свети со црвена боја, има мини осветлена куќичка, како и многу други светлечки инсталации, меѓу кои и срце, на кое пишува Охрид.

Плоштадот покрај езерото блеска во новогодишно руво и вреди да се посети овој бисер во празничниот период, не само во лето.

Магијата во Охрид, преку својот објектив, ни ја пренесува фотографот Димитар Бирачоски. 

Погледнете негово видео од украсувањето:

M. M. | Црнобело