Почина Зоки Панкер, урбана легенда и газда на „Балет“

Петар Младеновски, Пеце од Суперхикс

„25-та доста души однесе ама и 26-кава го следи "трендот" 
Лесна му земја на Зоки Панкер.

Уште една скопска урбана легенда заминува во вечноста.
Слава му и вечни спомени.

Остави траен печат на скопскиот урбан ноќен живот за кој новиве "дечки" само ќе слушаат приказни.
Сочувство до семејството“

Божидар Божиновски

„Починал Зоки Панкер, повеќе од угостител, повеќе од човек кој имаше ноќен клуб. Човек кој сред Скопје создаде мало парче на слобода, кај шо одиш со насмевка, а се враќаш со уште похолема, кај што сѐ е можно и сѐ обично се случува.

Од пред короната малку работи ми зафалиле, а најголемата е Балет и како беше. Нек се треси небо таму на Bohemian rhapsody засекогаш“.

Бифе Тафталиџе

„Си отиде човекот со кого пушевме на голем, а и на мал одмор, со кого славевме матура. Човекот кој никаде не брзаше, а сегде стигаше.

Што не кажа лош збор за никого, што не направи компромис во работата (за разлика од сите нас), човекот што не смени пијачка 100 години.

На свои плеќи го држеше ноќниот живот на градов. Човекот што го смени денот за ноќ за на сите да им биде поубаво.

Еден Смирноф и Кока-Кола чувај, панкер…“

С. С. | Црнобело