Александар Михајловски скрши нога на скијање - објави кадри од болница и се шегува на тема данок за инфлуенсери со Миа Костова

Детали

вторник, 20 јануари 2026

„Нозе ќе искршите, данок да не платите...“, му порача Миа Костова шеговито во коментар на синот на Тони Михајловски, откако тој скрши нога и се обрати на тема данок за инфлуенсери до Агенцијата за аудио и аудиовизуелни медиумски услуги.

Александар Михајловски објави видео како ужива на скијање, а само малку подоцна му се случила незгода и ја скршил ногата.

Во вториот дел од видеото тој е во болница и се движи со штаки.

Но, и покрај непријатната ситуација, актерот ја задржува својата препознатлива смисла за хумор, па во описот на видеото се пошегува на тема данокот за инфлуенсери.

Инаку, тој е познат и по хумористичните видеа кои ги снима за Инстаграм, а често се во рекламна насока за одредени брендови или бизниси.

Александар напиша:

„Добар старт во новата година!

П. С. АВМУ (Агенција за аудио и аудиовизуелни медиумски услуги), ова не е платена реклама“.

На неговата шега се надоврзува и Миа Костова и вели:

„Нозе ќе искршите, данок да не платите...“

Kликнете на видеото:

Прочитајте и Александар Михајловски: „Моите родители се разведоа кога имав две години, пораснат сум во стан со мајка ми, баба ми и дедо ми“

С. С. | Црнобело