Позитива на денот: Дац и Александар им пеат на вработените во кујна во ресторан во Кавадарци (видео)

Детали

вторник, 03 февруари 2026

Додека настапуваа во ресторан во Кавадарци, Дац и Александар не заборавија на персоналот во кујна кој работи и се забавува - Митевски им пееше на вработените и им посвети песна од Здравко Чолиќ додека тие пееја. 

Пред неколку дена, познатото музичко дуо, Драган Спасов Дац и Александар Митевски настапуваа заедно со Маја Гроздановска Панчева во ресторан во околината на Кавадарци.

Освен што ги кренаа гостите на нозе и направија весела атмосфера меѓу нив, и вработените во кујна се забавуваа на хитовите кои тие ги пеат.

Па наместо да гледаат отстрана, Дац и Александар им приредија вечер за паметење, кога отидоа да им запеат специјално на нив.

Тие покажаа дека се внимателни и ги освоија сите со својот гест откако го објавија видеото на нивната Фејсбук страница.

На снимката се гледа како Александар им приоѓа и ги поздравува вработените во кујна, посветувајќи им ги стиховите „Medju svojim sestricama“ од песната „Pjevam danju, pjevam nocu“ на Здраво Чолиќ.

„Кога тие се на смена и имаат работа, ние доаѓаме кај нив да им ја исполниме музичката желба.

Поздрав до кујната и целиот колектив на убавото Моклиште, Кавадарци.

Љубовта се множи кога се дели.

Ваши, Дац и Александар“ - пишува во описот на видеото. 

М. М. | Црнобело