Христина Пан со сопругот за ракот на ќерката (3): „Беше метастазирано низ цела глава. Секоја коска на главата, сè“

Детали

вторник, 24 март 2026

„Бевме на редовен преглед кај матичната, како што ги прегледуваат бебињата... Ја легна под јако светло и јас гледам и викам: „Еј, што ѝ е оваа црвена точка?“ А, таа вика: „Се гребнала нешто...“ Но, таа точка почна да се проширува и буквално цело око да ѝ станува крваво“, вели Христина Младенов за ќерка си Тара.

Христина и Петар Младенов се родители за 3 деца, но и херои од реалноста. По борбата со неплодноста, тие беа благословени со близначките Хана и Тара, но среќата не траела предолго.

Кај малата Тара на само 8 месеци се појавиле први симптоми на рак, а оттогаш почнала тешка битка – прво за соодветна дијагноза, а потоа и за лекување на нивната малечка.

Денес, Тара е одлично... Таа е весело 3-годишно девојче и ужива во детството со близначката Хана, но и помалата сестра Калија, која се роди во 2025-та година.

Прочитајте и Христина Младенов: „Во борбата со неплодност душевната болка е неподнослива, но денес ги имам моите Хана и Тара“

Христина и Петар за првпат комплетно го раскажаа тешкиот пат кој го изодеа со Тара, а особено за најстресниот период – периодот на дијагностицирање и прифаќање на дијагнозата.

Лазаров на Христина и Петар им вели: „Дознавате на осмиот месец дека Тара има тумор“.

Нивната емотивна исповед:

„Првите симптоми ги имаше тогаш - на 8 месеци.

Бевме на регуларен преглед кај матичната, како што ги прегледуваат бебињата... Ја легна под јако светло и јас гледам и викам: „Еј, што ѝ е оваа црвена точка?“

А, она вика: „Се гребнала нешто...“

После тоа, почна таа точка да се проширува и буквално цело око да ѝ станува крваво и да има како модринка под окото.

Ја носиме пак на преглед, викаме, урламе, дека ова навистина не е како што треба.  

И зедоа еден куп крв, не знам ни за што сè ѝ земаа.

Продолжува на следната страница...