Јован е уште еден суперхерој кој заѕвони на ѕвончето на Детска клиника во Скопје – ја освои тешката битка (видео)
- Детали
- четврток, 26 март 2026
„Победничкото ѕвонче повторно силно звонеше за да слушнат сите дека нашиот суперхерој ЈОВАН храбро ја помина и ја освои тешката битка“ - напишаа од Детска клиника во Скопје и објавија видео од младиот суперхерој Јован. Ни требаат повеќе вакви радосни вести.

Од Клиниката за детски болести во Скопје објавија уште една радосна вест, какви што само сакаме да слушаме.
Тие споделија видео од младиот Јован, кој ја победил најтешката битка и заѕвони на победничкото ѕвонче.
Додека Јован чекори кон ѕвончето, околу него аплаудираат неговите блиски, но и персоналот во болницата кој му бил најголема поддршка во изминатиот период додека храбро се борел со болеста.

„Нова радосна вест од Клиника за детски болести. Победничкото ѕвонче повторно силно звонеше за да слушнат сите дека нашиот суперхерој ЈОВАН храбро ја помина и ја освои тешката битка. На ЈОВАН му посакуваме многу здравје и среќно и безгрижно детство!“ – напишаа во објавата.
Погледнете го емотивното видео:
М. М. | Црнобело