Наша адвокатка откри дека ја контактирала Македонката чиј сопруг ја уби во Италија: „Милена, зошто не избега да се спасиш?“

Детали

сабота, 09 мај 2026

„Жртвата, Македонка во Пјаченца, Италија ме контактирала. Ми пиша и ги бришеше пораките, а јас ѝ оставив телефон да ми се јави кога и да може. На 05.10.2025 година ми пишала дека ќе ме побара во прва можна прилика. Таа прилика никогаш не дојде“, вели Катерина Котеска-Стисниовска, адвокатка за семејно право и семејно насилство.

Катерина Котеска-Стисниовска, која работи како адвокат од 2013 година, а е специјализирана за семејно право и семејно насилство, се огласи на својот Фејсбук откако во Пјаченца, Италија, Македонецот Хако Витанов си ја уби сопругата Милена, а потоа се јави во полиција да го признае убиството.

Милена, според адвокатката Котеска-Стисниовска била жртва на семејно насилство, и таа пред неколку месеци пробала да стапи во контакт со Катерина.

Иако адвокатката очекувала повик од Милена, таа никогаш не се јавила, а Катерина со скршено срце и револт, се огласи на Фејсбук.

Катерина Котеска-Стисниовска

Во својата порака на Фејсбук напиша:

Срцето ми се скрши...

Жртвата, Македонка во Пјаченца, Италија ме контактирала. Ми пиша и ги бришеше пораките, а јас ѝ оставив телефон да ми се јави кога и да може.

На 05.10.2025 година ми пишала дека ќе ме побара во прва можна прилика. Таа прилика никогаш не дојде.

Зошто драга Милена, не одлучи да избегаш, да го оставиш, да се спасиш??? 

Милена Витанова

Душата ѝ била изгорена по смртта на синот кој загинал во сообраќајка, едноставно изгубила желба да се бори.

Но драги жени кои трпите насилство, животот е еден, а вашите деца претрпуваат трауми кои се ненадоместиви.

Насилството ви го уништува здравјето, а траумите на децата нивната иднина.

Апелирам до сите жртви кои во моментот трпат насилство ,да се охрабрат, да тргнат да се спасат. Нема оправдување за семејното насилство! Сите против семејното насилство“.

А. Ј. | Црнобело