Сопругата на оперскиот пејач Ристе Велков, кој загина во сообраќајка, со емотивна објава: „Те сакам сè повеќе и повеќе“

Детали

вторник, 02 јуни 2026

Вдовицата на Ристе Велков и неговата ќерка Марија сега ги живеат најтешките денови откако го изгубија него и нивниот син и брат Адам. Христина му посвети емотивни зборови на Ристе од песната „Non ti scordar di me“, чие значење е „Не ме заборавај“...

Ристе Велков беше оперски солист првенец, еден од водечките македонски баритони, а пријателите и соработниците не можат да се соземат по страшната трагедија, кога тој на 22-ри мај загина во сообраќајна незгода со својот син Адам и уште двајца негови пријатели.

Но, најголема е болката за неговата сопруга Христина Велкова и нивната ќерка Марија.

Баритонот на Македонската национална опера и балет Ристе Велков и неговиот 20-годишен син Адам Велков, беа двајца од четворицата загинати во трагичната сообраќајна незгода што се случи на скопската обиколница.

Возило управувано од возач од Косово преминало во нивната лента и го собрал нивното возило, кое изгорело.

Христина имаше емотивни објави за своите сакани по трагедијата, а сега одново се огласи на Фејсбук.

Таа објави стихови полни болка до својот сакан и непреболен Ристе:

„Никогаш нема да те заборавам....

Non ti scordar di me
La vita mia legata a te
Io t’amo sempre più
Nel sogno mio rimani tu
Non ti scordar di me
La vita mia legata a te
C'è sempre un nido nel mio cor per te
Non ti scordar di me.
Non ti scordar di me!

Не ме заборавај
Мојот живот врзан за тебе
Те сакам сè повеќе и повеќе
Во мојот сон остануваш
Не ме заборавај
Мојот живот врзан за тебе
Секогаш има гнездо во моето срце за тебе
Не ме заборавај.
Не ме заборавај!“

По трагедијата, Христина за синот Адам напиша:

„Ах, Адам мој! Прва радост моја! Душава ми ја изгоре, срцето ми го распарчи!

Си замина без поздрав, без да те прегрнам и помирисам за последен пат.

Ме научи многу работи, но не ме научи како да живеам без тебе, без твојата најубава насмевка, без твојот глас.

Збогум чедо мајкино, не си сам, со тебе се тато, Петар и Марко.

Ќе биде многу тешко без тебе.

Збогум најмил мој!“

А за сопругот по смртта напиша:

„Збогум љубов моја!
Збогум кралу мој!
Збогум мој NABUCCO!

Денешното испраќање до твоето вечно почивалиште беше токму како сцена од “Nabucco”- силна грмотевица и гром го поготи мојот Набуко, но овој пат засекогаш.

Денеска и небото плачеше со нас за тебе и за нашиот принц Адам.

Чувај го таму горе како што го чуваше овде на земјата, а јас ти ветувам дека душата ќе ја дадам за да ја пораснам и изведам на прав пат нашата малечка Марија.

ЗБОГУМ ЉУБОВ МОЈА“.

С. С. | Црнобело