Тон емоции: Семејството на загинатото дете од кумановско го посети момчето кое му посвети гол – му ја подарија неговата фудбалска топка

Детали

четврток, 04 јуни 2026

Млад фудбалер од кумановско му посвети гол на 13-годишниот Аган Асани кој минатата недела трагично го загуби животот. Сега, семејството на загинатото дете покажа благодарност за гестот со тоа што му ја подари неговата фудбалска топка на која беа испишани зборовите „Секој твој гол нека биде насмевка за Аган Асани“.

Минатата недела, 13-годишниот Аган Асани од селото Черкези кумановско загина во сообраќајна несреќа.

Малиот Аган Асани бил дел од фудбалскиот клуб ФК Милано Куманово, а друг клуб од истиот град – ФК Куманово Еуроспорт – изрази сочувство со објава на Фејсбук.

„ФК Куманово Еуроспорт изразува најискрено сочувство до семејството на младиот фудбалер, член на ФК Милано Куманово, кој прерано го загуби животот.

Упатуваме искрено сочувство и до неговиот клуб, соиграчите, другарите и сите што го познава и ценеа.

Во овие тешко моменти нашите мисли и молитви се со неговото семејство и најблиските“.

Кратко по трагедијата, млад фудбалер од клубот му посветил гол на загинатиот Аган Асани.

Фудбалерот Давид Докмановиќ потекнува од селото Умин Дол, кое се наоѓа во близина на Черкези.

Трогнати од неговата постапка, семејството на Аган решило да го посети Давид и да направи гест што сме сигурни дека ќе ве направи емотивни - му ја подарија фудбалската топка на Аган.

Емотивниот момент е овековечен на видео кое веќе се споделува вирално.

Се гледа како десетина луѓе се поздравуваат со младиот фудбалер, а некои и цврсто го прегрнуваат.

Кога двете семејства се собираат во дворот, член на семејството на Аган, му приоѓа на Давид и му ја дава фудбалската топка.

„Давид ова е топката на Аган… Ние се одлучивме оваа топка на тебе да ти ја подариме“, вели во видеото.

На топката се испишани и зборовите „Секој твој гол нека биде насмевка за Аган Асани“.

Потоа таткото на Давид раскажува што се случило. Вели, Давид под дресот облекло маица на која е испишано името на Аган, но никој не знаел за ова.

Како што го дал голот, Давид само го кренал дресот и ја покажал маицата што ја облекол во чест на Аган.

Погледнете го емотивното видео:

Спирова С. | Црнобело