Слаткар изненади ученици на приредба во Ново Лисиче - се појави кога почнаа да пеат негови песни (видео)

Детали

петок, 05 јуни 2026

„Имав чест и огромно задоволство да се појавам како изненадување на завршната приредба во ООУ „Александар Македонски“ во Ново Лисиче. Кога мојот пријател Александар Темелковски ми кажа дека децата подготвуваат настап со мои песни, не размислував ни секунда - со срце ја прифатив поканата“, вели Слаткар и ги стопи срцата на многу дечиња.

Марко Маринковиќ Слаткар, е човек со големо срце, особено кога се во прашање децата.

Тоа го покажа и денеска, кога се појави на завршната приредба на училиште во населбата во која растеше, Ново Лисиче, без тие да знаат.

Децата спремале приредба со негови песни, а излегувањето на Слаткар пред нив, им беше огромна радост.

Тој пак објави видео на Инстаграм, и напиша:

„Имав чест и огромно задоволство да се појавам како изненадување на завршната приредба во ООУ „Александар Македонски“ во Ново Лисиче.

На покана од мојот пријател, соработник и колега Александар Темелковски, кој ми кажа дека децата подготвуваат настап со мои песни, не размислував ни секунда - со срце ја прифатив поканата.

Заедно пеевме, се смеевме и создадовме спомен што ќе го носам долго во себе.

На сите овие прекрасни деца им посакувам среќен пат низ животот. Чувајте ја детската искреност, верувајте во себе и никогаш не престанувајте да сонувате.

Ви благодарам за љубовта, енергијата и прегратката што ми ја подаривте денес“.

Кликнете и погледнете го видеото:

А. Ј. | Црнобело