Тројца македонски ракометари клекнаа на колено викендов - Три романтични запросувања на плажа (фото)

Детали

понеделник, 20 јули 2026

Ракометарите Иван Џонов, Мартин Серафимов и Дејан Кукуловски, изминатиов викенд клекнаа на колено и ги запросија своите девојки, на романтични локации покрај вода.

Летото е како создадено за љубов и убави моменти, а некои парови токму тогаш го започнуваат своето „засекогаш заедно“ - со запросување.

Токму тоа викендов го направија и тројца наши ракометари, кои ги запросија своите девојки - тројцата на плажа.

Дека ја запросил својата сакана, прв откри репрезентативецoт Мартин Серафимов.

Тој ја побара за сопруга некогашната ракометарка Јана Калајџиевска, на плажа во Грција, а потоа на Инстаграм објави фотка дека таа кажала „Да“.

Брзо потоа и репрезентативецот Иван Џонов клекна на колено пред саканата Марија Димитровска.

Играчот на „Алкалоид“, исто така, клекна на колено на плажа, а потоа со Марија објавија неколку романтични фотографии од запросувањето.

И Дејан Кукуловски, младиот ракометар на „Ресен“ ја побара за сопруга саканата Анастасија Бошнакоска.

Тој извади прстен на плажа и ја изненади, а потоа парот ги објави фотографиите на социјалните мрежи.

А. Ј. | Црнобело