Познати учесниците на Макфест 2012

Детали

понеделник, 10 септември 2012

Биба Додева, Александра Пилева, Тамара Тодевска, Александар Белов, се само дел од популарните изведувачи кои ќе настапат на 27-то издание на фестивалот на забавни мелодии „Макфест“ кој оваа година ќе се одржи на 11-ти, 12-ти и 13-ти октомври во Домот на културата „Ацо Шопов“ во Штип.

Концептот на манифестацијата - музичка програма со талентирани изведувачи и квалитени композиции кои потоа ќе станат хитови вредни за паметење, е надополнет со учество на многу популарни артисти кои одамна не сме ги виделе на фестивалските сцени.

- Рефрените од песните на овогодишното издание на Макфест веќе се вртат по радио станиците, па фестивалската публика има можност да ги слушне, да добие претстава каква музичка програма ќе понуди фестивалот оваа година и делумно да си одбере свој фаворит за кој ќе може да гласа во деновите на одржување на фестивалот – изјавуваат организаторите Нова Икс Идеа.

Атрактивни гости од домашната музичка сцена и од странство кои настапуваат во офф-програмата е неизбежен дел од секој Макфест, па така и за оваа година организаторите најавуват изненадувања за публиката која ќе биде присутна во Штип на 27-то издание на фестивалот.

Директен пренос на манифестацијата ќе врши националната ТВ куќа Канал 5.