Прв пат во Македонија-премиерa на сериите “Милијарди“ и “Без граници“

Детали

среда, 06 јануари 2016

Дека Македонија конечно фати чекор со останатокот од светот по прашањето на новите серии, докажуваат новите премиери закажани за јануари на Pickbox кои имаме прилика да ги гледаме први.

Од 12.1. понудата за гледање ќе се збогати со серијата Без граници (Limitless), снимена по истоимениот филм со Бредли Купер, а од 18.1. доаѓа напнатата драма Милијарди (Billions), со наградуваните глумци Пол Џијамати  и Демијан Луис.

Искористи го мозокот до крајни граници со “Без граници“

Отвори си го умот со новата серија Limitless и дознај како е да се издрогираш “Без граници“ што ти  овозможува да го искористиш мозокот до крајни граници!

Бредли Купер го гледавме во филмот “Без граници“ (Limitless), како од писател се претвора во финансиски експерт, а сега пред нас е подеднакво добрата серија инспирирана од филмот. Бредли овој пат настапува во споредна улога, (но и во улога на продуцент), а главниот јунак во серијата е Брајан Финч, (го глуми младиот Џејк Мек Дорман) кој го регрутира секогаш спремниот ФБИ.

12 епизоди од “Без граници“ ќе бидат достапни од 12 јануари, а од 20 јануари нови епизоди доаѓа ат на Pickbox 24 часа по американската премиера.

 
Парите го вртат светот, но моќта е најсилната валута

Влоговите се големи, загубите се сметаат во милијарди, но се е спремно за двобојот на годината на 18.01. на Pickbox, 24 часа по американската премиера.

По големите хитови Татковина (Homeland), Декстер, Бесрамникот (Shameless), Доктори за секс (Masters of Sex), со нетрпение ја очекуваме најсилната серија досега на Showtime, “Милијарди“ (Billions).

Во Милијарди гледаме два холивудски великани, Пол Џијамати и Демијан Луис, повеќекратни добитници на Златен Глобус и Еми. Едниот го претставува лицето на правдата, често по малку изобличено, а другиот лицето на американскиот сон и слепата љубов кон парите која има своја цена. Пол Џијамати е во улогата на остроумниот и способен адвокат Чак Роудс, а ако ви се допадна Демијан Луис во Татковина (Homeland), ќе ви се допадне и како кралот на финансискиот пазар, Боби Екслрод во Милијарди (Billions).

И двата главни ликови имаат неверојатно проблематичен однос кон парите. Всушност, сите луѓе на светот го имаат истиот проблем. Но посебно Американците имаат неверојатни нервози и конфликти околу тоа како сте ги стекнале парите и како ги користите. Нивниот однос кон парите е многу комплициран, а затоа и многу интересен. Мислам дека тоа е она што ја прави нашата серија интересна, кажа Пол Џијамати. 

Богат и возбудлив јануари со 19 премиери

Освен Шерлок специјалот кој имаше премиера на Pickbox паралелно со светската, ЦСИ Кибер и Државна секретарка (Madam Secretary), покрај 19-те премиерни серии, понудата на Pickbox дополнително ќе ја комплетираат и неизоставните Сплетки на 15.01.! Некому можеби му е прв пат, некому петнаесетти, но Сплетки без проблем се гледаат и сто пати!