Претседател на жирито на Off Drum Љубљана, Постер наградата за 2016 е Џејсон Ромејко

Детали

вторник, 13 септември 2016

Интернационалниот фестивал за креативност „Голден Драм“ и градот Љубљана ги покануваат сите креативци кои имаат помалку од 30 години да земат учество на натпреварот за избор на најдобар постер за Љубљана кој ќе биде во рамките на „Off Drum“ натпреварот. Оваа година претседателот на Љубљана постер наградата е Џејсон Ромејко, Светскиот креативен директор и комерцијален уметник во „By Jason Romeyko“, Австрија, кој ќе ги оценува постерите заедно со 4 дополнителни членови на жирито.

Апликациите за натпреварот оваа година треба да бидат на темата: „Градот Љубљана е зелен за тебе. Биди активен, биди фит!“ кои потребно е да бидат испратени до 15 септември 2016 година. Претседател на жирито ќе биде Џејсон Ромејко, кој ја доби престижната награда „Golden Watch“ за најнаградуван креативен директор на „Голден Драм“ фестивалот во 2015 година. Тој ќе ги оценува постерите со четворица дополнителни членови на жирито: Тјаша Фицко, Заменик градоначалник на локалната заедница на Љубљана, Словенија, Василије Чорлука, извршен креативен директор на Publicis One Македонија, Катлин Добре, извршен креативен директор на McCann Букурешт, Романија и  Мартон Једлицка, креативен директор на Исобар, Будимпешта Унгарија.

Претседателот на „Off Drum“ жирито е добитник на голем број на награди. Оваа година тој е награден со 10 кански лавови, претежно за кампањата  „Sea Hero Quest“, која претставува во светот првата мобилна игра, и има за цел да им помогне на научниците да се изборат со болеста деменција. Во 2015 година тој освои импресивни 9 кански лавови за „Vangardist Magazine“ и „The HIV+ Issue“. „Мојата цел е да овозможам да се случуваат убави работи. И за тоа не е потребен само талент, туку мора да работите повеќе од останатите”.

Авторот за најдобар постер ќе биде награден со 3,000 € од страна на градот Љубљана, додека „Голден Драм“ ќе му овозможи на победникот да биде дел од фестивалот Голден Драм 2017  покривајќи ја во целост котизацијата за учество. Авторите на втората и третата награда за постерот ќе бидат наградени со по една комплетна котизација за 2017 „Голден Драм“ Фестивалот. Краен термин за пријавување е 15 септември 2016 година.

Повеќе за натпреварот откријте тука.

Важни дати:

Влез и регистрација за делегати: отворена

Краен рок за последно влегување: 13 септември 2016

Ран краен рок за делегати: 20 септември 2016

Повеќе за „Голден Драм“ на www.goldendrum.com.