Атлантик во првите девет месеци од 2017 година оствари раст на приходите и профитабилноста

Детали

вторник, 31 октомври 2017

Компанијата порасна на сите главни пазари и бизнис области.

Загреб, 31 октомври 2017 - Во првите девет месеци од  2017 година, Атлантик Група оствари вкупен приход од продажба од 531,1 милиони евра, што претставува зголемување за 4,4 отсто во споредба со истиот период од 2016 година. Добивката пред камати, даноци и амортизација изнесува 59,2 милиони евра, што претставува зголемување за 5,1 проценти, додека нето добивката по малцински интерес се зголеми за 2,8 проценти на 31,9 милиони евра. До крајот на годината, компанијата очекува дополнително проширување на дистрибутивните портфолија и да продолжи стабилниот раст на севкупниот бизнис.

Фокус на брендовите и квалитетно управување

Покрај одличните деловни резултати, првите девет месеци беа обележани со дезинвестирање на производствениот  сегмент на спортска исхрана и фокусирање кон развојот на брендираното работење. Во двете фабрики, во германскиот Блекеде, како и во Нова Градишка, кои беа преземени од страна на белгиската компанија Aminolabs, продолжува договорното производство на асортиманот на спортската исхрана на Атлантик.

Проблемите во кои се најде нашиот најголем клиент, Агрокор, целосно се надоместени со проширена соработка со други малопродажни партнери. Наплатата на долговите од компаниите од  системот на Агрокор во Србија, Словенија и Хрватска е редовна, со исклучок на т.н. граничен долг во Хрватска (кој е покриен од страна на т.н. операција Лекс Агрокор). Според изкажаната намера на вонредниот управник, остатокот од долготот ќе се подмири во целост, како што и се очекуваше од страна на Атлантик.

"Атлантик Група во првите девет месеци од оваа година продолжи да остварува извонредни бизнис резултати, првенствено преку подобрување на приходите и профитабилноста, со раст постигнат во речиси сите деловни сегменти и на сите поголеми пазари. Стратешкото партнерство со белгиската компанија Aminolabs ни овозможи и понатаму да се фокусираме на сопствените брендови и да продолжиме со преструктуирање на Стратешката бизнис област Спортска и активна исхрана и изврши голем број на активности за поголема профитабилност и фокусиран пристап кон западноевропските пазари. Растот на вкупниот бизнис, одличното управување со ликвидноста и континуираното намалување на долгот ни обезбеди одлична основа за уште побрз и посилен раст", коментира Емил Тедески, претседател на Управниот одбор на Атлантик Група.

Раст на бизис и дистрибутивните области

Вкупниот раст на продажбата на Атлантик Група во првата половина од годината беше во голема мера под влијание на стратешките бизнис области: Пијалоци со раст од 8,1%, Деликатесни намази со раст од 7,9%, Здравје и нега со раст од 6,8% и Слатко и Солено со раст од 5,7 отсто, како и од Стратешката дистрибутивна област Хрватска, која порасна за 7,2 отсто, а Стратешката дистрибутивна област Србија забележа раст од 3,7 отсто. Кафето, со 20,1 проценти од своето учество во вкупните приходи, се издвојува како најголема поединечна категорија со 106,5 милиони евра приходи од продажба. Сопствените стокови марки на Атлантик Група учествуваат во продажбата со 67,6 проценти, дистрибуцијата на стокови марки на принципали со 20,8 проценти, ланецот Фармација со 7,3 проценти, а производите кои Атлантик Група ги  произведува како приватни стокови марки за големи деловни системи во земјата и во странство со 4,4 проценти.