Превентивни прегледи преку семејно приватно здравствено осигурување - грижа за целото семејство

Детали

вторник, 15 мај 2018

Еуролинк во рамки на полисата за семејно приватно здравствено осигурување на клиентите им нуди и користење на сите превентивни прегледи во вредност до сто евра, со што на клиентите им овозможува современа превентива  и ги поттикнува навремено да се грижат за своето здравје. Оваа новина осигурителната компанија ја воведува како дел од својот продукт за приватно семејно здравствено осигурување, кое на семејствата во Македонија им нуди врвна здравствена грижа и лекување во сите приватни здравствени установи по избор на клиентот без ограничување, а со цел да ги стимулира семејствата да ги прават потребните превентивни прегледи кои ќе придонесат за зачувување и подобрување на нивното здравје.

Граѓаните можат да одберат во зависност од потребите на семејството ОСНОВЕН, КОМФОРТ или ПРЕМИУМ пакет за семејно приватно здравствено осигурување, со редовна цена од 1800, 2000 и 3350 денари месечно, соодветно на пакетот, со кој се опфатени сите членови на семејството.

Клиентите кои ќе одберат Комфорт и Премиум пакет во промотивниот период до 30 јуни оваа година, во рамки на продуктот добиваат 100 евра за користење на било кои превентивни прегледи по избор на клиентот.

- Основната цел на Еуролинк осигурување е да им го подобри квалитетот на животот на граѓаните, а со продуктот семејно приватно здравствено осигурување на семејствата им го нудиме токму тоа – врвно лекување во сите приватни здравствени установи. Уште повеќе, во интерес и на семејствата и на компанијата е тие да се здрави и да се грижат долгорочно за своето здравје, затоа и вложувањето во превентивните прегледи треба дополнително да ја поддржи грижата за сопственото здравје пред да биде потребно лекување, а Еуролинк е единствена осигурителна компанија која им го нуди токму тоа, истакнува Марија Томеска, претседател на Управниот одбор на Еуролинк осигурување.