Во прекрасен џез амбинет и оригинално подготвено кафе се отвори Coffee Factory

Детали

сабота, 30 јуни 2018

Музичарите од „Летечки пекинезери“ беа едни од најзаслужните, посетителите да уживаат во отворањето на новата скопска кафетерија Coffee Factory на улица Македонија. Не помалку херои на денот беа и професионалните баристи, кои им овозможија на посетителите да дегустираат оригинални вкусови кафиња, кои пред нивните очи ги подготвуваа.

Процесот на подготовка беше интерактивен и во него учествуваа самите баристи и посетителите, кои одбираа со каков вкус сакаат да биде направено кафето, а во тоа можеа и директно да се уверат. Се разбира кафето е уште повкусно кога може да се комбинира со слатки задоволства како cinnamon rolls, chocolate chip cookies, мафини, apple crumble pie... кои совршено се вклопуваат со кафето, и за кои е најзаслужна Софка Камилоска, која е шеф на кујната во кафетеријата. Покрај овие задоволства тимот на Coffee Factory го воведe и кралот на бранчот или добро познатиот „Eggs Benedict“ во придружба на неговите исто така добро познати другари „Eggs Florentine“ и „Eggs Royal“. Во витрините има место и за уникатните сендвичи и совршено крцкавите „Pannini“.

На отворањето продефилираа многу препознатливи ликови од скопската политичка и културна сцена. Од денеска, па натаму кафетеријата е отворена за сите сладокусци на доброто кафе.

Погледнете ги фотографиите од отворањето на кафетеријата: