Состојба до 26.03.2020: 24 нови случаи во Македонија, 3 пациенти излечени

Детали

четврток, 26 март 2020

Министерството за здравство секојдневно известува за состојбата на заболени од корона вирус во земјава до 12 часот на пладне - каква е ситуацијата до 26.03.2020?

Во последниве 24 часа во земјава има 24 нови случаи на пациенти заболени од корона вирус, а состојбата е следна:

Во изминатите 24 часа се регистрирани 24 нови случаи на коронавирус во земјата.
По градови: Скопје (15), Куманово (4), Дебар (2), Охрид (1), Штип (1), Тетово (1). Со ова вкупната бројка на дијагностицирани пациенти со КОВИД-19 денеска до 12.00 часот изнесува 201 лица.

Според местото на живеење, досега случаи на КОВИД-19 се регистрирани во:
- Скопје (123)
- Дебар (43) од кои 2 починати
- Куманово (15) од кои 1 починат
- Штип (8)
- Велес (3)
- Охрид (3)
- Кавадарци (2)
- Прилеп (2)
- Гостивар (1)
- Тетово (1)

Од Клиниката за инфективни болести и фебрилни состојби се испишани 2 пациенти кои на два контролни теста на Ковид-19 имаа негативен резултат. Пациентите се во добра здравствена состојба и се пуштени на домашно лекување. Со ова во земјата досега има 3 излекувани пациенти и 3 починати.