Состојба до 29.03.2020: Во Македонија има 18 нови заболени, вкупно 259 пациенти

Детали

недела, 29 март 2020

На најновата прес конференција, Министерот за здравство, Венко Филипче соопшти дека во земјава има 18 ново заболени пациенти од корона вирус, а за жал уште двајца починати. 

Министерот објасни дека ситуацијата со пандемијата во светот не стивнува и дека бројот на заболени постојано расте, вели дека не треба да се паничи, но мора да бидеме свесни дека ќе расте и бројот на заболени и на починати пациенти. 

Досега има 3 излекувани пациенти, а се очекува наскоро да бидат пуштени 7 пациенти на домашно лекување.

Апелира уште еднаш до сите граѓани, сите да ја сфатат сериозно заканата од вирусот и да се придржуваат до мерките за спречување на ширење на заразата. 

На прес-конференцијата Филипче изјави дека има 16 нови случаи, но во меѓувреме стигнале резултати за уште двајца пациенти позитивни на вирусот, а во изјавата стои:

Во изминатите 24 часа се регистрирани 18 нови случаи на коронавирус. Во текот на прес-конференцијата Институтот за јавно здавје потврди уште 2 позитивни пациенти, така што бројката наместо 16 како што соопштив на прес-конференцијата изнесува точно 18. Вкупната бројка: 259.

Доколку не го слушнавте, во продолжение може да го изгледате пресот на Министерот Венко Филипче за сите детални информации околу состојбата во Македонија: