Филипче потврди: Во Тетово не се почитува самоизолација, граѓани во земјава одбиваат да дадат точни податоци

Детали

петок, 29 мај 2020

Откако се раширија гласини за бројката на новозаболени во последното деноноќие, Филипче одржа прес-конференција на која ја потврди бројката. 

Во последното деноноќие се регистрирани 52 новозаболени во Македонија - детална состојба тука. 

На пресот, Министерот соопшти:

Процентот на заразени од тестирани во изминатите 14 дена, според статистиката, изнесува 5.5%, а тука се калкулираат и тестовите од скринингот.

Капацитетот во болниците е пополнет 11% и со тоа здравствениот систем е во добра состојба, над 92% број на оздравени здравствени лица.

Инциденцата е 10.3 %, трипати помала од пикот во април. 15 градови во кои беа регистрирани случаи, а сега веќе немаат ниту еден активен случај на корона вирус, а во 6 града има до 5 активни случаи.

Зголемениот број на случаи најчесто се од познати кластери, но има и неколку нови во некои општини.

Неколку работи кои загрижуваат според информации од терен за непочитување на мерките, беа индикатор да се направат контроли.

Направен е надзор во Тетово и во Штип, каде се анализирани сите случаи.

Од увидот во Тетово е констатирано дека не се почитува самоизолацијата и има генерално непочитување на сите мерки.

Од увидот во Штип е утврдено непочитување на правило за транспорт, посебно во конфекциите, од кои една е затворена од инспекторатот, со оглед на тоа што има 17 заболени во истата.

Епидемиолозите се соочуваат со одбивање на соработка да даваат точни податоци новозаболените и тешко може да се достават решенија за самоизолација.

Поголема концентрација во Скопје има во Чаир, Гази Баба, Бутел и Аеродром, како резултат на непочитување мерки за самоизолација и лична заштита. Тие се заразени во период кога имаше строги рестриктивни мерки.

Повторно ќе бидат воведени таргетирани рестрикции ако епидемиолошката состојба тоа го наложи, што е дискутирано на утринскиот состанок со Комисијата. Ќе се анализира состојбата и во наредниот период и врз основа на тоа ќе се носи одлука.

Во продолжение следете ја прес-конференцијата: