Тамара Тодевска му честита роденден на Лука, по гласините дека не се заедно: „Те бирам тебе – секогаш“

Детали

вторник, 10 февруари 2026

„Те бирам тебе. Денес, утре и секогаш! Среќен роденден љубави“ – напиша Тамара Тодевска во описот на фотката со саканиот Лука, по гласините дека веќе не се заедно.

Неодамна Тамара Тодевска објави шеговито видео со кое навести дека веројатно дошол крај на врската со Лука Радовиќ, со кого беше заедно повеќе од 2 години.

Иако двајцата не се огласија отворено на темата, многумина веруваа во гласините, бидејќи заедничките фотографии им беа избришани.

Прочитајте повеќе: Тамара Тодевска навести дека дошол крај на љубовта со Лука: „Сингл мајка што се состанува одново“

Сепак, изгледа љубовта победила, па тие повторно се заедно, а тоа го потврди денешното Инстаграм Стори на Тамара.

Пејачката објави заедничка фотографија со саканиот Лука по повод неговиот роденден, а во описот напиша:

„Те бирам тебе. Денес, утре и секогаш! Среќен роденден љубави“.

Инаку, во интервју за CRNOBELO.com во 2024-та, Тамара откри дека се запознале преку заеднички пријатели и така спонтано се родила нивната приказна.

За него, таа тогаш рече:

„Лука е непосреден, отворен, забавен, позитивен, сака луѓе и дружење. Многу едноставно, а за мене толку привлечно“.

Прочитајте повеќе за љубовната приказна: Тамара Тодевска за врската со Лука: „Внимателен е, грижлив и со многу љубов се однесува кон мене и моите деца“

М. М. | Црнобело