Филипче: „Позитивни се 67 пациенти, се разгледува можноста за враќање рестрикции“

Детали

вторник, 02 јуни 2020

Министерот Филипче на денешната прес-конференција ја соопшти најновата состојба во земјава. 

На прес-конференцијата министерот соопшти:

Од вкупно 868 тестови има 67 позитивни пациенти во изминатите 24 часа и во следните неколку часа ќе биде објавена статистика по градови.

Има 25 оздравени пациенти и 1 починат пациент, во последните 24 часа.

До утрово на Клиника за инфективни болести во Скопје примени се 6 пациенти, вкупно има 40 хоспитализирани, а нема пациент на механичка вентилација.

Во болницата 8-ми септември се вкупно хоспитализирани 27 пациенти, од кои 6 на респираторна машина.

Во болницата во Битола хоспитализирани се 7 пациенти, во Штип 14. На инфeктивните одделенија во Охрид, Велес, Куманово и Прилеп вкупно има 27 хоспитализирани пациенти со ковид-19.

Во Штип се затворени 6-те конфекции, со 55 решенија за самоизолација. Во текот на следните денови ќе се тестираат околу 600 вработени, досега се тестирани 100.

Во Тетово има 8 решенија за позитивни пациенти и 54 за нивни контакти. Има информации и за нов кластер, 1 позитивен и околу 30 контакти.

Во Липково од вчера има 11 случаи, каде екипите интензивно работат, исто како и во Чаир и Студеничани. Има огромен број на контакти во рамки на 10 семејства.

Во однос на рестриктивните мерки кои се најавени како можни, уште нема одлуки, а до четврток ќе се донесат соодветни одлуки доколку има потреба.

Апелирам да не се игнорира вирусот, бидејќи тоа нема да помогне, а секаде во светот се имплементираат истите мерки за заштита.

Се разгледува можноста за враќање на рестрикциите, но за тоа каде и дали има потреба ќе се зборува во наредните денови.

Граѓаните и нивниот влог се клучни за справување со оваа кризна состојба. Сите сме засегнати и како поединци и како држава и сите придонесуваме во решавањето на овој проблем.

Следете ја прес-конференцијата: