Уште една отворена дестинација – Бугарија од денес дозволува влез за Македонците со негативен тест

Детали

вторник, 28 јули 2020

Според најновите информации, од денес (28.07.2020) Бугарија ги отвора границите за македонските туристи, кои може да влезат во земјата со негативен ПЦР тест не постар од 72 часа.

Од 28 јули на македонските државјани им е отворена уште една дестинација за патување.

Според најновата одлука од бугарското Министерство за здравство, со приложен негативен ПЦР тест кој не е постар од 72 часа, од денес во Бугарија може да влезат граѓани на нашата земја, но и на Србија, Албанија, Косово, Босна и Херцеговина, Црна Гора, Молдавија, Израел и Кувајт. За граѓаните на Украина, оваа одлука ќе важи од 30-ти јули.

Инаку, во земјата без ПЦР тест можат да влезат граѓани од земјите членки на Европска Унија, како и од Велика Британија, Северна Ирска, Шенген зоната, но и од Алжир, Австралија, Канада, Грузија, Јапонија, Мароко, Нов Зеланд, Руанда, Република Кореја, Тајланд, Тунис, Источна Република Уругвај.

Сега кога имате уште една земја за избор, ќе се одлучите ли за патување во Бугарија?

Потсетете се на 8 прекрасни плажи во Бугарија

М. М. | Црнобело / фото: depositphotos.com