Зошто е важно да се штеди во време на пандемија и каква улога играат онлајн депозитите во нашето секојдневие

Детали

вторник, 13 октомври 2020

Животот честопати не оди како што планираме. Рецесија, губење работа, болест што може да нѐ снајде лично нас или некој од семејството, поправка на автомобил или некој поскап уред…

Дури и со, да речеме банални ситуации, како губење паричник или мобилен телефон, домашните финансии ќе претрпат тежок удар. Ова се итни случаи кога е добро да имаме пари на страна. Деновиве сме сведоци на ситуација на која не можеме да влијаеме - кризата предизвикана од Ковид-19 која најдобро покажа колку е важно да се има заштеда.

Токму можеби сегашната ситуација нѐ освести дека треба да почнеме да штедиме. Изговор да почне да се штеди секако не треба да бидат ниту сегашните заштитни рестриктивни мерки со кои не се препорачува одење по филијали и шалтери на банките, затоа што тука денес е електронското банкарство. Пандемијата овозможи да се насочиме кон електронските услуги кои ни овозможуваат големо олеснување при набавка на намирници или други производи за домаќинство, но и „штитат“ да не лутаме и да не завршуваме со премногу производи или непотребни количини на истите. На овој начин, исто така, едноставно и брзо ги завршуваме и сите банкарски работи, без губење време и опасност од загрозување на своето и здравјето на другите.

Пред да препуштиме дел од контролата врз своите средства на одредена банка, треба да сме сигурни дека таа е одговорен и сигурен партнер, докажана институција која се грижи за клиентите и нуди модели на штедење прилагодени на нашите потреби и ритам на живот. Во ова време токму таков идеален производ со кој можеме да почнеме да штедиме од својот дом, е Онлајн депозитот на Халкбанк.

Халкбанк е лидер во воведувањето нови технологии и дигитализација на финансиските услуги во земјава. Следејќи ги тековните потреби на своите клиенти, банката го креираше производот Онлајн депозит како најсовремен начин за орочување на сопствените средства, кој се покажа идеален и сега поради настанатата состојба со пандемијата од Ковид-19 и посебните мерки на претпазливост.

Овој октомври, во месецот на штедење, Халкбанк потсетува на важноста од навиките за штедење и дава предност на иновативниот производ, Онлајн депозит, кој овозможува едноставно и лесно да почнеме со штедење. Производот е наменет за физички лица, корисници на електронското банкарство на Халкбанк и со него клиентите се безбедни бидејќи немаат потреба од посета на филијали и потпишување и печатење Договори за депозит, а истовремено заштедуваат време со тоа што целата процедура може да ја завршат со само неколку клика. Може да се штеди во денари или во евра, при што минималниот износ на вложување е 3.000 денари, односно 50 евра.

Со поедноставување на процедурите и нивната дигитализација, потенцирајќи ја важноста да бидеме здрави и да се чувствуваме безбедно, Халкбанк овозможува лесен начин за штедење, со повеќе слободно време кое може да го вложиме во вистински важните работи во животот и спокојни денови со семејството.