Браво за младите борци: Студенти од 6-та година по општа медицина ќе помагаат во борбата против ковид-19

Детали

петок, 16 октомври 2020

Во борбата со ковид-19 мора да учествуваме сите за да победиме, а по светските примери, така и кај нас, нашите студенти по медицина од 6-та година активно се вклучуваат во први редови.

Министерот за здравство, Венко Филипче, објави фотографии на кои најави дека студентите од 6-та година на медицина почнуваат да се вклучуваат во борбата против најголемиот непријател на 2020-та.

На социјалните мрежи тој објави фотка со студентите и напиша:

Спремни да помагаат! Утрово се сретнав со студентите по општа медицина кои ќе помагаат во битката со Ковид-19. Тие се свесни и ја препознаваат својата важна општествена улога во моменти на криза. Нивниот придонес е многу значаен, им посакувам успешна работа.

Претходно тој објави уште неколку фотки кога најави дека студентите се вклучуваат во борбата на колегите и објасни која ќе биде нивната улога и помош:

Студентите од шестта година по медицина активно се вклучуваат во поддршка на своите колеги во борбата против ковид-19. Нивниот ангажман ќе биде помош на колегите епидемиолози во телефонска комуниција со пациентите, изработка на епидемиолошки анкети и обработка на податоците.

Браво за храброста и само напред! Се надеваме дека ќе успееме да се избориме по примерот на други земји кои одлично се справуваат во оваа борба.

М. М. | Црнобело / фото: depositphotos.com