Ја отпеа легендарната „Свирете ја зајди, зајди...“ - како изгледа денес Олгица Христовска?

Детали

вторник, 20 јули 2021

По турнејата на Балканот, Калиопи конечно се врати дома во Македонија. Таа деновиве беше во посета на Битола, а таму се виде со нејзината долгогодишна пријателка Олгица Христовска и ни даде ретка можност да видиме како денес изгледа нашата позната пејачка и актерка.

Таа на Инстаграм објави фотографија со Олгица Христовска до која напиша:

„Битола ноќе со мојата Олгица...
Луѓето секогаш доаѓаат во твојот живот со причина, но само оние што доаѓаат заради Вистинска Причина и кои ја изговараат и најсуровата искреност, поради која ризикуваат и да те загубат, остануваат во твојот живот засекогаш... Ги викам таквите луѓе пријатели... Извинете – Семејство“.

Ова е една од ретките можности да ја видиме нашата позната пејачка и актерка Олгица Христовска во последно време. Таа својот приватен живот го чува подалеку од очите на јавноста. Нема профили на социјалните мрежи, ретко се појавува во медиумите, освен ако има да каже нешто навистина важно.

Од 2007-мата година кога во целост реши да се повлече и од театарот речиси и да немаме можност да ја видиме во медиумите.

Таа минатата година беше актуелна кога со група музичари направија онлајн изведба на песната „Свирете ја Зајди, зајди“ во чест на прерано починатиот композитор Драган Вучиќ, кој ја компонираше музиката за познатата песна што ѝ донесе победа на Христовска на „Макфест“ во далечната 1992 година.

Освен што се занимаваше со музика, таа исто така се занимаваше и со глума. Христовска се појави во една епизода на серијата за деца „Во светот на бајките“.

Таа ги испеа песните: „Само мој“, „Што ќе сум ти“ , „Една љубовна“, „Грев“ , „Ко два елена“... Сепак, песната што ја одбележа нејзината музичка кариера е „Свирете ја Зајди, зајди...“, да се потсетиме на неа:

https://www.youtube.com/watch?v=WVqIvwvbT0U

Инаку, Олгица Христовска во 2006-тата година стапи во брак со поранешниот заменик – министер за транспорт и врски Дејан Кошутиќ по 4-годишно заедничко живеење.

Б. С. Б. | Црнобело